ايام النافذة الجميلة

رد على شيخ الهمباته

 

سواحنا هوي عسولة شن دارباكا

دي من جبل ام علي لا عن جبال التاكا

بت الرجال و البركة ماها أم لافاكا

ست الجمال والروح ميزتن غالباكا

جيلاني أوصفا قبل متين لا قاكا

وكتب في جلها كلاما ما قالتو الهمباتا

يشهد البال وناسو وانفتح شباكا

بشار حكما وفي كلمتو إتلافاكا

و ملامح رددا وكفكف مدامعو و جاكا

فرتاق حاحلن ملاي جمالن داكا

ان درت الشكل عسوله ما بتبراكا

عسولة النفس والروح كمان تبراكا

إن جيت مسولب تب عسولة تترجاكا

بترد الرويحة إن قالت سلام لي هناكا

جمال عسولة مافي وجيها في رويحا متاكا

اهه شن بدورو يالهمباتا..بلا رويحتى هناكا

تسلم ذكريات

 

عزيزي ذكريات ،، لك التحية والود بعدد قطرات دموعنا التي نسكبها شوقاً عن عسولة ،، ولا ندري أين هي الآن — هل يا ترى فعلاً فاز بها الجيلاني وألزمها الصمت وأبسها الخيمة – ام هي تدلل ككل النساء لا تريد أن تضع حداً لكل هذه المساجلات وإن كنت أنا على ثقة بأنها ستؤووووووووول إلينا دون محالة

 

ولكن يا ذكريات باين إنو شيخ الهمباتة والعم الجليل جيلاني أمتدت يده أيضاً إليك ببخس دراهم ليشترى صوتك إلى جانبه — اما أنا عسولة دي بقلعها حمرة عين

 

التحية لك يا جميل والتحية لتلك الصامتة الكائنة في دواخل اهل البال تولك (عسولة)

 

لنا عود قريباً للرد

looooooooool

ya salam ya salam asi shino albika da?? ya 3ajyiz?? y3ni tbko into wala yabko nass sanaric wa daggas?? khali bashar wa sawah wa 3amo gilany almotgawezoon wa boco albyrex

 

malak ya boco sari washak kida wa z3laan?

algsmah 3ind rabana…matkhleeek ‘3adbaan

ana bahki algisah lekom.. wansma3 ray2e al akhwan

set albanat alrow3a 3asola jaha 3arees ‘3nyan

jab leha alshila bil 3ishreen waltyiab kol al alwan

gal leha bahibik wa maksar feek wa shadeed walhaan

khaleek min albyrex nass boco o nilo_azul wa addosman

al 3ojaz deela ya zola kalamom bs awaham

lo 3yiza gismah wala gadorah ..ya sm7a atolbi alfanann

kan 3yiza dalokat dagas ajeba leek ya helwa kaman

na3esh fi sa3ada inti wa ana wan3izf al alhaan

 

 

 

….heheheee ana gata3ta !

lakin masha2 Allah hajat helwa khalis aretaaaaaaa ana

 

 

 

 

 

wad3nakom Allah warasolo kadi yaumma.. Te amo

 

العزيزة سمحة – كيفك يا بت ومشيتي وين ليك مدة ما ظاهرة انا قلت يمكن لم فيك واحد قنعان من نفسو أرتبط بيك.

 

بعدين عجايز شنو يا بت الناس – أنا الحمد لله با دوبي في الواحد والعشرين من عشرة سنين مضت ما زحيت منها – ثم المتزوجون دائماً أصحاب تجارب وخبرات في الحياة أحسن من ولاد الزمن ده – الواحد من إسمو تجيك هستيريا والشريعة حللت أربعة وانا يا دووووبي واحدة

 

ثم يا ريت تكوني أنت دي – كان ممكن — لكن من أول يوم في البال تولك صارة وشك زي البنية وعامل فيها البت تقيلة يعني – أها تراكي بايرة لى الليلة

 

 

مزيد من الإبداع ولنا عودة

 

zikrayat= malamih

يرجع لنا الهمباتي الكبير ملامح بعد غياب ونرحب بالهمباتيه الجديد سمحه في بطانه السيبر اسبيس العريضة

*********

االنار ولــــــــــعت جيلاني كان متــــسامح

جاكم في النصاب همباتي اســــمه ملامح

سباق الــــــرياح بحر الــــــدميره الطامح

ماسك في الـــدرب راكب قعوده الــــجامح

 

 

قالت شاعرة دار جعل في وصف المكندك..

دا إن إداك وكتر ما بقول اديت

أبدرق الموشح كلو بالسوميت

كاتال في الخلا وعقب الكريم في البيت

 

و أقول في وصف الجيلاني…

 

أبعاجات اللحو سداد فروق المية

بياض سنو بقابلك قبال يسوي تحية

مسنود بالقبيلة مابتهمو الدية

خراب جرابو مشتت للضعيف والليه

قلاع عيون الشر زي خالو ود ضحوية

إن لاقاك مكشر أطرا نكير والصية

وان لاقاك باسم يوم سعدك قريب في الجية

أسود طويل الباع أبيض جميل في النية

شغلو كلو بيان مابعرف لداغ الحية

كلماتو متطابقات ما بعرف النية

* * * * *

قوال في الشعر مابتغلبو القافية

ركاب للخيول تشهد عليهو البادية

مشكور في المجالس مالت عليهو النادية

جوال في المدن سالك دروبآ قاسية

في عسولة صرح وقال حروف متناهية

يشهد عليهو البال وشهد نسيم الماسية

معروف في الهمبتة ماها ام رهيد في الماشية

شربك في العسل حالف يمين للقاسية

لانقطة تطلع منو ولا زول إضوق في الحاشية

 

وللكلام بقية بعد التشاور ووضع الخطة القادمة مع بقية الهمباتا

لي شيخ الهمباتا…وكمان جايب معاي الفرجوني لعمل إنقلاب كامل

وعشتم همبتة في زمن الجدب….

 

Re: malamih @ Sam7a

الإثراء والاسراء يتم بوجودكم يا شيخ ملامح. و للسجال رجاله وبناته في بطانة الهجرة الواسعة. يزيد الرغي في المساهمات المرحة بكم ويزيد جودة اذا انضم الينا الهمباتي الصح الشاعر الفرجوني الذي يتغني بطبيعة ارزونا الآن. ونحن علي احر من جمر السودان لنتعلم منه فن المسدار. تزيد الروعة بدخول الهمباتية “سمحه” ومخاطبتها بنصح بوكو الشاعر الكلس الشاب” البايركس” ليبتعد عن المعركة ويا ريت لو واحد خت مشاركتها باللغة العربية. انحن لسع بنهظر ونطحك والله يستر من الجد. الملاحظ عسوله و ووروروك و الزبيرمختفين خالص في هذه الأيام الحاسمة. دقدس علق أن عسوله في بيت الطاعة. تعالو معاي نستقبل الهمباتي الاصيل ملامح بعد مشاركاته الرائعة.

**

ابِيشــًـــرن يَا بنــــــات جَاكُم مَلآمـــــــح سًار

راكــب علي الخباب رسن فارس عليه نضار

ســيد الجاه تقيل الـــــــــــــــــــشيلته بالدولار

دلاليــــــــكك يا دقـــــــــــس الليله ولع نـــــار

**

ســـــــمي الـــــدايره شيخ العرب اخــــــــتار

شــــــوف الــــقال ابيت او سده بـــاب الدار

ان درت الـصغار او كان قــــــــــصدت كـبار

بـس عـــــــسوله امره مقضي مافي خــــــيار

**

حـجر الصـــاقعه ســـــــــيفك في الرقاب بتار

وقارحك ما بلين مـن تــــــــــــوبك الجرجار

درب عســـــــوله ياللمــــــــــاح بدايته شرار

نهايته لقانــــــــا في ام طرقن عراض وكبار

**

الـــهمباته تــفخر بيك شيخ من اليمين ويــسار

بــــــوكره مع المـــــــغيب نتلاقى عند بــــشار

امـــر عســــــــــوله هـــــيلو وعنده ليكا اسرار

تجيب سواح مع بوكو وتقعد تــــسمع الاخبار

**

حـدود ود الزبير تتســـاوا بالقدوم وبالــــمنشار

وذي ســواح يروح في مــــرقه كله شــــــــمار

مارق قال مع بــوكو ورا الهـمباته كايس الــتار

ويا ما نقص سلوك الهدهد الطاير بـــدون طيار

**

عـــــجيب أخر الزمن حـقار.!! مصايبه كـــتار

بشوف ســـــواح يســــوم في ناقته بي دينـــــار

ويتجرأ يقول عسولتي في الـهودج وعنده حمار

عــــجيب يا اخـــر الزمــن نمــشيك دليلنا الفـــار

**

نصيحة سمحه يا بوكو!! اذا رافض كلام بشار

الهمباتيه الــرباطابيه ما ناقصةٌ عــــقل ودبار

ادتك الـنصح قات ليك اخير تدســه في الـجحار

البايركــــس بتكـــسر لــــــو ختيته بين حــــجار

رد سريع على سواح

——————————————————————————–

رد على الاخ العزيز سواح بعد ان حاول عزل بوكو من السجال الدائر فى عسولة ولكن هيهات له من الهمباتى المتمرس والمسعد للنزال فى أى وقت واليكم الرد

 

 

الليلة يا سواح براك بادرته وطريت الشر

كلامك القلتو فى بوكو ما عندك ليهو اى عزر

ولعت فيهو النار وبقولك زدته فيها جمر

كيفين تقولو العب بعيد يا وليد انت لسه ما تامى نفر؟

سويت الحقارة براك وبيناتنا تانى مافى اى عمر

قبل عليك خلاص ولخبر الحرابة زاع ونشر

سلالك السيف وإتجهز جاييك عقب بكره فجر

أركز وما تهرب وأبقى قدر الكلام القلتو فشر

بوكو خطير عليك بالحيل وسط الحارة ما بقيفلو إلا نمر

فى عسولة ما بيمزح أصلها صبحت ليهو احلى قدر

وما بكسر كلام الحاجة هناك خاتاها ليهو نضر

وقالت عسولة لبوكو ببركة الصالح الشيخ ود بدر

ويا سواح مع عسولة مافى ليك مجال حتى كان بنيت ليها قصر

وكلم اخوك بشار قول ليهو مع بوكو لازم تكون خايف و تبقى حزر

همباتى مما قام ما يوما خان العشرة ولا لصحبه غدر

كلامو لجيلانى فى عسولة حرقنى شديد و خلانى ليهو اصر

بوكو شاعر القبيلة الفد فى عسولة نظم احلى درر

عسولة بنت التاكا أهل تاجوج بجماله بوكو بهر

خلطة دار جعل أهل النخوة اسياد البدو والحضر

جمال بنياتن فى البنات معدوم شبيهن ما لقينا ليهو اثر

ويا سواح اخير ليك ما تتشابه خليك زولا حر

حب عسولة لبوكو غيرو ما فى ليها اى مفر

خليك معلق فى السراب والنوح اصلو انت حظك فقر

ونصيحتى ليك عديل شوف ليك واحدة تأويك عصر

تعالجك من جراح القلب وشوفتك كمان ليها تسر

حب عسولة ليك محال اصلو من بدرى ليك هجر

وكان درت الكلام الجد أحسن تشوف ليك أى سفر

الحق عمك الجيلانى فكرو ثاقب وكلو نظر

هجه وطفش وعرف مع بوكو ما عندو أى صبر

وبشار العجيب لمن عرف القصة بعد منو وليهو دفر

قال ليهو بوكو صعب بالجد ما معاهو مجال إلا يشيلو قطر

رايع والله يا بوكو .. جميل أن تمتد هذه المسادير لتغطي أهل البال المنتشرين على بقاع متفرقة من هذا العالم الذي أصبح كالقرية الصغيرة – ونحمد لهذه التكنلوجيا الحديثة التي أهدتنا هذه الأريحية الجميلة لتحمل عننا جزء ضئييل مما تخلفه سموم الغربة

 

يا بوكو أعذرني في عسولة دي .. أنا عارف عمك جيلاني كلامو في لسانو سسسسسساي .. لكن كان جينا للجد ما هو زول عرس

 

لكن أنت والزبير باشا ديل منكم مخافا …. لأنو لمان دم الشباب ده يدخل ساحة عسولة.. شوية كدة الواحد يخاف يخزلو العمر

 

 

ههههههههههههههه سواح

ما قلتوا نوبه

روعة متناهية و قلوب صافية

سأكتفي بالمراقبة .. و المديدة الحارة يا بوكو

تحايا عطرات و في إنتظار الجيلانى و هجوم لا يبقي و لا يذر

أبو بشـار

——————————————————————————–

 

كما قال الحكيم البالتوكي البارز الكلاكله .. نحن في المهجر ننتزع الفرحة والبهجة من كل لحظة… فدعونا نفعل ذلك ليكون المهجر برد وسلام طيب علي نار بعدنا من الوطن . فالي المزيد من الضحك والقفشات والابداع المتواصل ونحن نبني تاريخ الادب في المهجر. الي المشاركين في هذه الملحمة الخرافية وما سبقها من كبار الهمباته وصغارهم والي قراء النافذة ادعوكم ان نفكر في لقاء سنوي ينظم بقدر الامكان والزمان والمكان. فلنا الكثير من الملفات التي جمعت بيننا في عالم السيبر اسبيس ولكن دعونا ان نجتمع بالفعل. ولعل التجربة التي تمت بالقاهرة كانت خرافية.

الي سواح والزبير باشا وبوكو نصائح همباتية

**

بشار مو عدوك اعمل حساب لكلامه

الرجل الرصين خصاكا بي احكامه

في البال والغرف ما سمعنا راجل لامه

وكضاب البقول في البورد وصل لمقامه

يا ســواح اعتذر امشي امتثل قدامه

**

حبل المهله طال جيت بالشلاقه تشده!!؟

و تتجاسر علي شيخ العرب بتهده!!؟

يا سواح تقيت سيفي ال بفشك حده

امر عسوله فات بي وراها بابك سده

**

بيتلاقوا الرجال وكـت النحاس يترزم

وبحلف ليك بالعسل بي الصافنات بتجزم

لو جيتني مــع الزبير بي البندقيه محزم

مـــا ترويك يوم الحاره مويه زمزم

**

يا بــــوكو اسكت انت لسه صغير

درب عـــسوله للزيك بشوفه خطير

وكــت تعرف تجيب لي عيونا لبن الطير

يكون ســواح وقع بي ناقته فوق البير

**

لـــو العمر فاكرنه يوم هـــداني

بخرات المسافه وســـحرها الــرباني

رجعنا مع الشباب بشــار مع الجيلاني

وذي ســـواح يبور ومعه الزبير التاني؟

**

ورورووك امـــس قابلني فـوق البال

الداهيه اب كدوس في راسه الف سؤال

بادرني الســــلام بي طبعه طول البال

لا بارك لي جديد عاملني ذي نشــــال

من الشئ الفهمته ناوي الشر وناوي كتال

بي شـــــقر الفزع ارجع من البنقال

والهـدد خطير عارف سلوكه طــــول

وسيف الليزير الفي ايــــده كان بطال

الهدهد ما بقيف برق الطريف الشــــال

يا سواح ويا بوكو حتي الباشا كيف يا رجال

بطيرو ولا بتجرو لي بشـــار يمين وشمال

ولا السيوف ترموها لي عســوله سترة حال

الكهربجي شايل ليه في ايدينه كم جـــوال

جلجـــل دربه بالخبره بي تكتيكه للاجيال

سبق شيخه الحـــــوار قدامه كم اميال

لكن بدبر امره يوم ان كان قصر او طــال

 

جميل والله يا عمو جلجل

 

لكن أجمل ما عجبني في هذه المقطوعة الرائعة هي :

 

يا بــــوكو اسكت انت لسه صغير

درب عـــسوله للزيك بشوفه خطير

وكــت تعرف تجيب لي عيونا لبن الطير

يكون ســواح وقع بي ناقته فوق البير

 

 

 

 

مزيد من التواصل والإبداع

 

لوووووووووول سواح عشان قالو ليك بوكو صغير اصبر لى عاد

 

يا له من إبداع منقطع النظير و والله سعدنا أيما سعادة بوجودنا معكم فطاحلة المسادير وقد أمتعتموننا بطلاتكم ومساديركم الرائعة أملا أن يبرز إلى الساحة فرسات أخرون حتى تتفجر الإبداعات ونثرى المسدار وتعم البهجة

 

ما دام نويتو الحرابه خلاس مرحبتين حباب الشر محل ما بتق

عقب بيناتنا بعد الليلة مافى حوار وتتقده الرهيفه إنشاء الله ما تتلتق

بوكو الجسور الليله شد وقام حالف يمين باعداهو ما يترفق

هزبرا جسور وعنيد قاطع للرؤوس وفى الحروب للدموم دفق

و وكت الحارة الحارة زولا عنيف وصمود وكم من عضام دقدق

متوشح الدرقة السيف التقيل البيهو للجسد والرقاب فرق

دخرى الحوبة فارس الحلبة دابى الحلة شيال التقيلة الطقطق

كاتالا فى الخلاء ولكرمو الغزير بين القبائل وثق

مابرضى القليلة كان بيجيبا بضراعو ولا كان ليها إتسوق

تمساح الدميرة الحر يوما للفطيسة البايته ما إتدوق

عاشق الجمال الأصيل بالحيل ولغيرو تب ما بيعشق

حب عسولة من زمنا بعيد فى قلبو زى خمرا قديم عتق

فى دربو ما بيرحم بكاتل فى سبيلو زى أخرق

حبا عفيف وأصيل وبيهو لا تاجر يوما ولا إسترزق

سواح الخفيف ولفيف عسوله ضحكت ليهو ومن يوما ما صدق

مسيكين صار نومو كلو طشاش وبحلم بحنة الجرتق

وجيلانى الرهيب بهماك واقفلو زى القدر أزرق

ناسى عمرو الراح ومتوكل على الحكمة والمنطق

يراقب باسى وتبريح وفى عويناتو الدمع رقرق

عرف لعسوله مافى منال كان راح الغرب أو شرق

الليلة يا همباته عندى ليكم حل، وإنت يا بشار من عسوله إتحقق

قول ليها يا عسوله فى دربك الهمباته خاضوا النار وصاروا زى أحمق

وقوليها من بيناتم إختارى قبل ما الشر يعم ويتفتق

اصلو المحنة عزاب وبالله يا بشار من عندها إستوثق

أكيد الريلة إختارت وأكيد غير باب بوكو ما بتطرق

وكلم أخوك سواح عسولة من بعد العشق تانى عليك ما بتشفق

وأدفر أخوك جيلانى هناك قول ليهو أصلو معاك ما بتفرق

عسولة أمرها مقضى لبوكو وشهر العسل ناوينو فى المشرق

وخليكم من البكاء والنوح طول الليل لحدى ما الشمش تشرق

عسوله عارفه البيى وحاسابو والإعجاب للنظر تسرق

أصلها عرفت إختارت أبشرى بالعديل والزين وحنة الجرتق

أخوكم دوما بوكو

 

مسدار إلى بشار

——————————————————————————–

الى الرجل الحكيم والاخ العزيز والانسان الرائع بشار ونحن نفتقده فى المسدار إلا ببعض الأبيات وكلو دا خوفا من الحكومة التى أعطت أوامرها الا يكون هنالك أى مسادير فى كلام البوح والشعر فأثر المراقبة من بعيد والوقوف مع الهمباتى جيلانى عندما تدعو الضرورة للتدخل هههههه ونحن مقدرين له ولكن نفتقد إبداعاته بشدة ويا الحكومة الكلام دا كلو مزاح فالرجاء ادى الزول دا نفس شوية عشان يقوم يجارينا فى المسادير دى هههههه

 

أبيات بسيطة لبشار بعد بيعه للقضية وإنحيازه التام إالى جانب الهمباتى جيلانى

 

 

بشار الرزين الليله سويتا ظاهره وشينا

فاكرينك حكيم عقب فى حكمك إنغشينا

إنحزت لشيخ العرب ومن كلامك إتأزينا

لكن بعد الحصل منك تانى عاد من نصايحك إستغنينا

كيفين تساند فرق العمر وتقول لحقوق جيلانى إتعدينا؟

وإت عارف براك جيلانى فى حب عسولة مستعدينا

ونحن القبيل كنا شايلنك وحاسبنك سند لينا

يا سواح زولك طلع بائع القضية خلاس ويمكن طمع فينا

فاكر بياخد من المعلوم إلا لحقوقو نحنا شكلنا إتناسينا

كيفين يقول عسولة لجلجل كان رضينا نحنا ولا ابينا

كلاما حرقنى شديد ومن زمان نحنا من زيو إستكفينا

بشار أرجع لكلام العقل وأحسنلك تسرع تجى تصافينا

ولجيلانى ما تساند اصلو من زمن فى عسولة متحدينا

خليك بعيد فى حالك وما تقول نحنا ضعفنا وإسترخينا

نحن الاسود الكاسرة مافى يوم قمنا متل جيلانى وإتصابينا

عارفين حدودنا شديد وما لى حق غيرنا طمعنا وإتشابينا

نحنا السقم زارنا وغير حب عسولة مافى شى بداوينا

ويا بشار من اللليلة ما تتشابا وبقولك الصالح إستفتينا

ولجيلانى الرهيب ما تقرب خليك بس حادينا

اصلو زولا شليق وعنيد فى عسولة مو خاتينا

كنا ناوين ليهو نية شينه إلا لفرق العمر راعينا

عسولة يا الدر المكمل وينك ، راجينك ومن طعم العسل تسقينا

 

جميل يا بوكو ورايع جداً والله

 

والجميل الأكثر بهاءً إنك شكلّت ثنائي مع سواح حتى نقف ضد هؤلاء العجايز

وبعد نقضى منهم بنتفق أنا وإنت يا واحد إتنازل للتاني – يا كمان ينكسر الطرور يفضل الصنديد

 

 

 

 

 

يا سلام عليكم يا جميلين

العم جيلاني شيخ الهمباتة

الخال بشّار الفارس المبجّل

الزبير باشا شرف ناس ودجعل

بوكو الرزين البودي قارد الجديد

 

لك التحايا بعدد ذرات رمال الصحراء التي تزداد بكم خضرة وجمال، وانتم تشدّون أيدكم على الرسن سارحين في أرض البطانة الهاشة الباشة في ضيافة بت الملوك عسولة

 

وجاييييييييييييييكم يا همباتة – بس صبركم خلوني أفضى شويتين وقدامي خميس وجمعة

 

مزيداً من الإبداع ، ولكن قدامى الهمباتة يا عمو جلجل إستنجدنا بهم فكانو خزلان لنا – لذا سأعمل بكل جهدي لجمع جهود القوى الحديثة (السارس) لنكون لكم سداً منيعاً

 

والتحية لتلك الصامتة التي منحتنا هذه المساحة الحرة في صحراء البطانة بت الملوك عسولة والتي لا يمكن أن تنسخ أبداً وعسولة مسمية نفسها عسولة واحد – يعني طريقة نسخ مافي وبعدين السيوف تاني تتخابط بين الأصل والتقليد

 

الى الرجل الجميل والزول السمح مرهف الإحساس الاخ العزيز سواح اهدى اليك هذا المسدار وهذه المداعبة ارجو ان تنال إعجابك

 

 

 

الليلة يا سواح بدور ليه معاك اقسى كلام

براك سويته فى نفسك زرعت بيناتنا حقل الغام

شنو الوداك توصف فى القمر جاهل صغير همام

وات عارف براك من بدرى بوكو ملك الغرام هيام

أسرع واسحب المسدار وقدم الأعزار قبال ما يبقى بيناتنا صدام

خليك عايش فى الوهم بحب بس بتشوفه فى الأحلام

عسولة بت دار جعل ليها فارس عنيد وجد مقدام

كلام غزلك قريناهو من بدرى فى شعر أبوتمام

جمال عسولة جمال الدر مكمل مو محتاج كتابة اقلام

وكم زيك بجمال عسولة مفتونيين وكم سببلهم الام

جمال مافى متلو مثال ما شفناه حتى فى أفلام

بوحك كتير بالحيل وبسببو بتقطع الأرحام

بوكو العنيد بالحيل بسيفو السنين بقطع الأجسام

البالتوك مليان شديد بالحيل شوف ليك واحدة حتى من بلاد الشام

امر عسولة مقضى لبوكو ومافى داعى تعيش مع الأوهام

خليك هادى رزين خليك طيب اخو إسلام

وما تنجر وراء العابثين بزيدوك طن من الاثام

وما تعجب ولا تدهش خليك خاتى علامة إستفهام

بوكو الصعب لحدودو ما تقرب ويا ما تثبتلك الأيام

زولا عنيف بالحيل غير عسولة ما عندو اى مرام

فى ساعة الوغى بقاتل فى قاموسو مافى كلمة إستسلام

وكان حكمته فى عقلك بهديك منو الف سلام

شاحد المولى يا سواح نتلاقى فى ساحة الإحرام

 

مع تحياتى لكم جميعا بوكو

 

العم جيلانى لك الف تحية بما اتحته لنا وتشجيعنا للمشاركة فى المسادير والتى عن جد اسعدتنى كثيرا ووجدت فيها متعة للمحاولة والكتابة مع فطاحلة مثلكم فى المجال الشعرى الدارجى كما احيى جميع الاخوة المشاركين فى المسدار واليكم محاولتى الجديدة ارجو ان تتقبلوها عن طيب خاطر ودمتم لى بوكو

 

 

 

انا الفارس المغوار شيمتى الكرم مما قمتا واتربيت

بكرم الضيف واسند الجار ما يوما هربت وإتدسيت

ود ملوك النيل أهل الحارة زايعيين الصيت

همباتى مما وعيت على الدنيا ولا فى يوم السؤال قريت

زولا ما برضى بالحقرة بياكل النار وكم من رؤوس ساويت

زولا مليان محنة وريد وحنيه ولا للحبيب من قبل جافيت

زولا بعقل رجيح موزون ما يوما على حرمه إستعديت

وكت الحارة اسدا جسور مقدام ولا يوما عن حقى إرتديت

ثابت على رايو وساعة الجد لا إتكبكبت لا إستجديت

كان جانا الغريب يتصابا قمت ليهو وإتصديت

يا الجيلانى كتر الكلام خلى ما دام لطريق السلامة ابيت

فى سبيل عسولة ما بنمزح براك غلطت وإتشابيت

كملت البكاء والنوح وعن قصد لفرق العمر إتناسيت

يا جيلانى كان عارف جنس البلا الراجيك ما كت بوحتا وإستجريت

بوكو اللئيم كشرلك عن انيابو وجاك غازى عقب فى البيت

رابطلك يتحين الفرصة راصدلك كان مشيت او جيت

يا جيلانى اقصر الشر وقدم الأعزار وقول ترانى سهيت

بوكو القدير حقانى بشوف ليك واحدة من سيتيت

إلا فى عسولة مافى مجال كان زعلتا ولا رضيت

طريق عسولة أصلو ليك محال اخيرلك ترضى بالتشتيت

وكان بقيت زولا رزين وأمين أكون فيك إتعشيت

أصلو الكرم أنواع مو شرطا يكون بالفيت

وكان كت زولا ركب راسو أرجانى وما تقول يا ليت

الزمن يا جيلانى مو زمن ناقة الزمن زمن الدانة والداناميت

عسولة نبع الحنان الصافى شبيهة الريل الموشحة بالسوميت

جدية وسط الحسان تتهادى وكم من نظراته إستشفيت

صرتو ليك جيلانى جنس عصره لمن خليتو جاب الزيت

جلس ينادى الرب ويشكى قال يا رب من بوكو إتازيت

أصلو يا عسولة شايبا قعد يبكى ويتحسر على زمانو الفات

ما عليك منو خلينا ننساهو ونتأمل فى زمانا الات

ولكم حبى وتقديرى

بوكو

 

نأسف لإنقطاع السجال في عسولة لمشعوليات شتى ولكن هذه عودتنا

 

 

أرفع أيدي أفضيها ؟!! دي ماها صفاتنا يا بشّار

الزول اليجينا مسالم .. نسيّدو في القبيلة وفيها يصبح جار

والزول كان حدرلنا ساي .. في قانونا يبقى حقار

وفي بت الملوك البيني بين جيلاني أصبح تار

كان قصر الزمن أوطال – لا بد من يبينلو قرار

 

********

قصدت الحكمة فيك بشّار .. وقايل حكمتك لاحقاني

لقيت إنت بعت قضيتي .. وقبضت الرشوة من جيلاني

الراجل صفاتو لسانو … والمال كتيرو قليلو بصبح فاني

الهمباتي طبعو سلام … قبل ما يجيك أحمر عين و زول شراني

إلا بعد ده ماني ملام … جيوش أمريكا من عسولة ما حامياني

 

******

عرفت الفيك يا بشّار .. وما دايرك علي تضاري

دي حرب انا وبخوضه براي .. وما طالب السند في تاري

وبكرة يجيك خبر جيلاني … من الساحة قبّل جاري

أنا ود عز الرجال والهمة … عموم البادية عارفة أخباري

أسد في البر مجرب سيفي .. وفي بحر الدميرة عشاري

 

*****

حكم بشّار عليك يسير براك إنت .. لكن ما علي سوّاح

ويا الجيلاني سيفك ماب يضاهي سيوفنا .. شوف لك بلاهو سلاح

ماب تأطاها أرض التاكا … غير شورتنا دونها رماح

عسولة أولابه القريب لى دارها .. وبين أبواتا ليهو مراح

أبعد منها آ الجيلاني … وإلا حلفنا .. راسك نعلقو في رقابنا وشاح

******

يا بوكو الكلام هيل الكبار … أخير تلعب بعيد يا وليد

سلاحك مطوة أو سكين .. ونحن سلاحنا سيف صنديد

ما بيقطع رقاب من جم … وساعة الحارة ضربو شديد

السيف كان طلع من جفرو .. ماب يرجع إلا قاطع جيد

بعد ما أقضى من عمك الجيلاني … حرب معاك بس بالليد

*****

إستنسخ من العسولة مليون واحدة … إلا الأصل مو ليك

ويا الجيلاني كان قرّبت من عسولة تاني… إلا تمرّقك كرعيك

وقلب بت الملوك مكتوب على سواح .. وماب يقبلو فيهو شريك

جاييك يا العسل المنقى وصافي … مشتاق لى سحر عينيك

خلينا النعيش دنيانا زي ما نريد .. واليبقى علي ببقى عليك

 

 

الأخ جيلانى نفتقد ردودك على المسادير

——————————————————————————–

احبتى التقيكم مرة اخرى فى محاولاتى المتواضعة والتى قصدت منها الماعبة والطرفة والفكاهة املا ان يشاركنا الجميع فى مساديرنا الطريفة ويا سواح خلينى شوية وجاييك بالرد املا أن يسعدنا العم جيلانى بالرد على المسادير لأنها تشجعنا على الكتابة

 

 

الليلة يا سواح من كايرو جانى ليك احر شمار

شاكوش عسولة لجيلانى كان قاسى متل فرار

الزينة ست الناس قالتلو ما بتتقارب الأعمار

وقا لتلو شن جاب نبات الشوك مع الأزهار

قريت كلام بوحك، وغزلك لى كت قايلاهو كلو هزار

تاريك طلعت متيم بى وكت فاكراك كاتم الأسرار

صدودى ليك ما بتنفع معاهو لا بخرة لا مسدار

لكن يا جيلانى فى حدودك اقيف بيناتنا تانى ببقى جدار

أنا بت الملوك ناس الحارة أهل المديح و الطار

أنا الريله ناس بوكو بيشهدوا لى، جمالى ما عليهو أى غبار

وكان درتا الأصل يابا شوف بيوتنا عليها كم زوار

وكان قلتا الجلال يابا فرسانا بحطموا الأسوار

وكان داير تعرف الغزل يابا أقرا كم قالوا فينى من أشعار

وكان داير تعرف القيمة وزنى دهب موجود بس مع التجار

خايفالك من الفاقة والغمة رجالنا جد كلهم أشرار

وما تساير مع ناس بوكو، ديل بعرفوا سباحة التيار

ديل وكت الحارة ما بهربو ديل بجاهدوا بالأعمار

ديل مستقبلى الزاهر ومعاهم مافى اى حصار

بماشوا الزمن الحديث يابا بستعملوا الهاتف السيار

حبهم نابع من القلب يابا مافيهو لعب ولا هزار

بقدروا التبر الأصيل يابا بيبزلوا الغالى بلا إستئثار

 

ويا سواح زولك بعد عرف امرو بادر طوالى بالأسفار

ساب أرض الكنانة هناك وإتحسر على غزالو الطار

سافر لارض العجم قال أحسن يستنشق هواء الأنهار

قام يسترجع الدكرى يمكن تكون ليهو رفيق فى ظلمة الأسحار

عرف الامور باظت ومن يومها ما فارق سبحة الإستغفار

 

مع حبى لكم بوكو

 

شمار جيلاني ـــــ خاطف قلب البنية

——————————————————————————–

 

 

كيــــلر يا تاجر الهجــــــن الصايع في سوق إمبابا

تعال عند الزبيــــــر شمارا حار لا عند جكس ولا عزابا

جيلاني عايز يعقد قرونو علي عسولة والله خبـرا شين يايابا

 

 

الليلة يا عسولـــــة الهمباتي سلب قليبك بالقـــوة

هو قبيل بالملاريا مدهده ولمواجهة الهدهد ما عندة مروة

وأنا خايف من ورورووك فـــوق الجيلاني يكسر ترقوة

 

قال ليها أهــــلا حباب بت الملوك عسولة رحب بيها

وإتغزل فــــوق جمالا ونضـــــــار خديهـا

وقاليها (بمعلقة) من الشعر نار وجدي ما أظــن أطفيها

 

قالت لو (ياجوجو) إنتــا وبي نبيل مشاعرك بفخر بيك

بس بوحك ومعسول كلامك محسوب علي وعليــــك

وأنا خايقة عليك من الهدهد لأنو زولا أحمق وأكيد ما حيخليك

 

قال ليها:

هدهد شنـــو يا عسولة؟ ياروحي .. وحياتـــــي

أنا جل جل دابي البطانــة أنا أب كريك الهمباتـــي

رزعة واحدة من ضراعي أخلي الهدهد يحبي ويتاتــي

ونعيش أنا وإنتي في عشة وإتهنـــا معاك بقية حياتي

 

زمان طول الوقت أنا في إنتظار علي أحر من الجمر أنا أون_لاين

بتلهف للروم قدومك وبي تشوق وبالكمرة إتأمل وجيهــك وأعاين

وأحمدك كثير يا ربـــــي من كنور الأرض.. بعثت لي بأغلي الخزاين

 

 

أمبارك الزبير قال حلمان بالهدهد في منهاتــــــن إتلقانـــي

قال لي يا الزبير أخوك زعلالان ومتضيم من عمكم جيلانـــــي

الزول دا كنتا بالحيل بريــدو بس للأسف .. طلع أنانـــــي

 

يا الزبير خسمــــتك بالرسول شوف طمستو وكيف عاصر نضارتو

وعاين تجاعيدو.. وشوف صلعتو هسة دحين .. هو شن حلاتــــو

وعاين عمتو المبرومـــــة ووشوف عصاتو .. وبلقعتــــو

قسما يالزبير .. بالحييييييييــل العبرة خانقاني من حقارتـــــو

 

كنتا زمان بشوف جيلاني الهمباتي أب لهيجا سكـر

خاتي قدام البال كرسيهو منجعص فوقو ومحـكـر

ما كنتا عارفو لعسولة بيبوح كنتا قايلو بسطل .. ولا قاعد يسكر

أتاريهو كان يا الزبير زول مفتون .. وظنيت عقلو مختل

 

كان بنشن .. من بعيد بسهامو في قليب عســـولا

وهي معاهو بتتفاعل وتقوم تختف المايك قبل دورا

مرتبكة وبشوف حمار في خديها التقول مفقعة فيهن بناضورا

أتاريني كنت وحداني ومخدوع وفي الروم.. كل بايرة بي زولا

 

وروروك في أم ريكا ينده في جد الزبير الفكي (طلق النار)ـ

قالو يابا الشيخ جيتك واقع فوق امرا جد .. كنتا قايــلو هـزار

جيلاني الهمباتي بي شاكوش فوق وسط راسي دقا لي مسمار

عايزة بخرة كبيرة للجيلاني وبدل الجيزة .. يلقي نفسو في سنار

وعايزك لي فيهو تتبين وجزاهو يكون .. زي جزاء سنمار

 

مر بي إمبارح الضحوية بشار البشوش حلال الشبكة

قال جيلاني وعسولـة في البال عاملين ربكـــة

هم في القاهرة أخر بوح تمت الخطوبة ومعاها الشبكة

ورقصو عشرة بلدي بفرقة حسب الله وكمان عسولة رقصت دبكـة

 

عسولة سافرت السودان لكن الجيلاني سافر وعقبا

تاهت وسط الحناكيش بهناك وما أظنك لقت طلبــا

وأي حنكوش ليها حاول يبوح ركبت ليهو وش .. وسلت ضنبا

 

الأيام بينما ياعم جيلاني ـــــ ولازال الشمار مستمرا

 

 

 

سواح أخوى أرفــع إيديك فضـّــيهــــــــا

من بت الملوك الإنـت باقي عليهــــــــــا

فات فيها الفوات للجيلانى دا الحابيهــــا

أرجــع زى زمــان دمعتك ضاريهــــــــــا

 

جيلانى الحريــف ظبـــّـط أمورو خــــــلاص

ودّا الشيلة من بدري و شال الكــــــــاس

خـلاّك للبكـاء و النحيب يا و لدة الفـرّاس

و زاد ليك الهموم و معاها وجــــع الراس

 

سواح الحبيب أنـا ليـك تب ما بضـــــارى

شيخ الهمبتة ما بتقدر عليـــه تجــــارى

ما تدخلنى فى حربا معــــاه إجبـــــارى

أنا زولا عجـــوز دايـــــر أربى صغــارى

 

 

 

بشار الرائع اسمح لي بالمجادعه

عندما دخل بشار حلبة المجادعة بطل التيمم. بشار الرائع شاعر المسادير الفذ. الهمباتي الذي يفصل ويعقد بي سيفه البتار في بطانة ابسن وفي بطانه البال توك الواسعة. اكتملت حلقة العقد ونحن نجمع في المهجر سوداننا الحبيب. الي المزيد من الروائع . وذي ما قال سواح لي عسوله

أبشري بالعديل عسولة – في الهمباتة ولّعي نارك”

ويبدو ان النار ولعت بعد دخول بشار والزبير باشا ” ود طلق النار”

 

قال بشار مخاطبا سواح في امر عسوله:-

 

سواح أخوى أرفــع إيديك فضـّــيهــــــــا

من بت الملوك الإنـت باقي عليهــــــــــا

فات فيها الفوات للجيلانى دا الحابيهــــا

أرجــع زى زمــان دمعتك ضاريهــــــــــا

**

جيلاني

شـيخ بشـار تعال الـفتنه قــوم هــــــديها

اختلفت الــهمباته جـــاتك يا اللزوم تهديها

امــــر عســــــوله عـــندك وانت بترضيها

والجــــــمره حـــــــــاره بتحرق الواطيها

**

بشار

جيلانى الحريــف ظبـــّـط أمورو خــــــلاص

ودّا الشيلة من بدري و شال الكــــــــاس

خـلاّك للبكـاء و النحيب يا و لدة الفـرّاس

و زاد ليك الهموم و معاها وجــــع الراس

**

جيلاني

وجعة راس وبس زايد عليك وسواس

يا سواح جريت خبرك وصل للنـــــــاس

والعجـــب الزبير قـــــال قايد الفـــراس

يمشو علي الرجال جراي سبق جرقاس

**

بشار

سواح الحبيب أنـا ليـك تب ما بضـــــارى

شيخ الهمبتة ما بتقدر عليـــه تجــــارى

ما تدخلنى فى حربا معــــاه إجبـــــارى

أنا زولا عجـــوز دايـــــر أربى صغــارى

**

جيلاني

حاشاك ما عجوز ما انت عشم الحاري

تعقد الدم تخت الـــديه للمـــــــضاري

يا بشار وحـــاتك انت يا الانصـــــاري

عــفيت سواح خلاس قبال يقبل جاري

 

***

حـــــــكم بشار علي بتساوا عنده معاكه

وسيف جيلاني يا ســـــواح تعرفه براكه

من عوج الطريق جـــــيب الزبير يبراكه

نتلقا في كـــــــسلا ونزور الــــــــــــتاكه

نشاور اهل الــعوض في امرها الهماكه

امـــكن تكـــــون عـــــسوله مي دايراكه

***

يا سواح اخير ليك تمشى و تسيب الربقه

لو رسلت الزبير بي جيوشه جات متسبقه

حتى المــك نمر علي حـــس الدناقر حبقه

لو السما والارض من فوقي جات منطبقه

ا فوت عسوله يا سواح..!!؟ اكيد ما بتبقا

 

 

احبتى

احببت ان اشارككم هذه اللحظات والإبداعات فأرجو أن تتقبلونى بينكم

 

أهلا مليون سلام من بوكو جاكم يا احن الناس

بوكو الهادى الرزين الصبر كمل عندو غلبو خلاس

شاف الكلام كتر فوق البريدة شبيهة الماس

إتلموا اهل الشعر والبوح إتمثلوا الإحساس

نظموا القصيد كتبوا الدرر فوق الغالية بنت الناس

عم جيلانى الرهيب نصب للشعر فراس

سواح العجيب شمر الساعد ولحرب جيلانى دق أجراس

عسولة بت الملوك أهل العزة أهل الساس

عز بنات التاكا مى محتاجة للغزل و وجع الراس

ست الجمال والحسن ناس بوكو واقفين ليها ديدبان حراس

يا جيلانى بوحك كتير بالحيل خايف ليك من فلقت فاس

ويا جيلانى بوكو زولا صعب مراسو شديد الباس

فى سبيل عسولة بشهر رمح يستعمل الأقواس

ويا سواح البكا الكتير خلى امر عسولة مقضى خلاس

بوكو المسامح اعتبر حديثكم كلام زولا شديد وناس

بوكو الحنين خطف القليب الرهيف والمفعم الإحساس

هاكم الخبر اليقين من خشيم سيدو ما هجاس

وعارفو خبرا تقيل بالحيل وبقطع الأنفاس

عسولة امرها منهى لبوكو مكتوبة فى قرطاس

بوكو الرهيب عرف اصول اللعبة فاز بالكاس

إنتوا ابكو ونوحوا ختوا الشعر أكداس

يوم العقد قرب وباذن المولى يطلع أجمل الأعراس

وبكرة الفرح بعم والخبر يطلع والمية تكدب الغطاس

 

 

يا بوكو الـــــــسلام اهلا ومـــــــــرحبتين

 

يا بوكو الـــــــسلام اهلا ومـــــــــرحبتين

الـــــــــــهمابته في امرك الليله مجتمعين

مـــسدارك كان جميل جيد كمان ورصين

عندنا ليك ســــؤال عقبان نجيك راجعين

لو عايز تكون هــــــــــمباتي جملك وين؟

ووين سيفك ووين ام عشره والترشين؟

التدريب مهم عـــــــــــــوج الدرب نارين

والـــــــــــصقر ان وقع كتر البتابت شين

اتشابيت سريع عــــــــــــسوله منك وين

انا عندي حل فوقه الــــــــــعديل والزين

نستنسخ بدل عـــــــــــــسوله عسولتين

حـــــــــــــــسب الطلب امكن نصل ميتين

الهـــــــــــــــــمباته كترت وكلهم عايزين

ســــــــــــــــواح بشيل الدايره حمرة عين

وخـــــــمسين للزبير دايش يبيت بي وين

ان درت الــنُسخ يا بوكــــــــو ليك اتنبن

كامـــلات الجمال لا ناقصات عقل لا دين

 

 

العم الفاضل والأخ العزيز جيلانى

 

كم سعدت بوجود الهمباته فى هذه الملحمة الرائعة وهم يتجادعون الشعر فيما بينهم وارجو ان يكون مزاحى خفيفا عليكم وتقبلوا محاولاتى المتواضه التى قصدت منها المداعبة فقط لا قصدا للتجريح لشخوصكم العزيزة التى اكن لها كل مودة وإحترام وسلمتم اخوكم بوكو

 

 

يا جيلانى العزيز زمن الحرب بالرسن والسيف ولى وفات

الهمباتى الحديث بستعمل النووى وكمان مع افتك الغازات

وكت الوطيس يحمى بعمر المدفع بطلق الدانات

الزمن الجديد زمن فوكرز مو زمن ناقات

عند الكتال بقوى بستعمل اجود الطاقات

كلامك لى وجع القلب بالحيل جدد الاهات

كبفين يا جيلانى يتقسم العسل الاصيل فى الباقات

كيفن تجيب كلاما شين داير تزبل الوردات؟

كيفن تحرم بوكو الرقيق من عطور أجمل الواحات

الدهب الأصيل لا بصدى لا بقدم ولا بنفات

جمال عسولة رجف قلوب احنى كم هامات

غزلك فى فريعة البان بعتبرو كلاما مات

باكر دغش أبداء الحزن خفض الاصوات

غير أصل عسولة محال أرضى بالقسمات

جزم بالمولى وبى يسن وتبارك ومحكم الايات

حب عسولة ساكن فى القلب وعتق أصلوا ليهو كم سنوات

شوف ليك غيره درب تانى أسال الجارات

اسال عن بوكو الصعب زينة الشباب عشا البايتات

واحسن ليك أرجع تانى للبالتوك كتر الشاتات

تلقى ليك واحدة هناك فى سنك من البايرات

خلى الدهب لصاحبو وما تكتر من الهفوات

زمانك ولى شوف توبك من الشايبات

عارف عقلك رزين بالحيل بس بعض مرة بتحصل ليهو كم نوبات

خليك دليلا زين وأبعد عننا الفاقات

درب النزال فى الحروب خليهو خايف عليك من العاهات

بوكو العنيف ابعد منو اسد الخلا ملك غابات

وقت الحارة ما بعرف هزار و وقت الكرم اخو اخوات

بوحك فى العسل قلل منو وما تكتر اللمات

أنا غير عسول ما برضى بديل كان وقف الزمن أو فات

وقول لى رفاقتك ديل بوكو العنيف اداكم إنزار ساعات

كان ما وقف الكلام فى بت الملوك بحصل شر وما بعرف الترهات

يا الله الكريم تم المراد ومن بعدو وقفة فى جبل عرفات

 

مع حبى وتقديرى لكم جميعا

بوكو

 

: عسولتي

——————————————————————————–

ma haza ya i’7wani??!!

musharaka bas i enjoy it.

shakal o munagara zai al gidad araito 7ali.

منام تاني

 

عاودني المنام من تاني في عسولة .. حاجة عجيبة

شفتها زي قمر ضوّاي … سواد الليل يحاكي سبيبه

قالت لي تعال سوّاح … ريدي أنا ليك لا شك فيهو لا ريبه

ما يهمك كلام جيلاني … نار الغيرة أطفي لهيبه

****

قلت :

كيفن ما يهمني الجيلاني … وعسل النحل شرباتي

وكيف أطفيها نار الغيرة من قلباً يهاتي عليك يوماتي

لا مليت .. ولا قصرت دوربي أليك ،، ولا أنقطع العشم في الآتي

ولسه معاك في المشوار .. لماك عسولة فيهو سعادتي.

******

قالت :

سافر كندا عم جيلاني ..نسيتو خلاص … وما عاد تنفع البخرات

أنا بت الشيوخ من كسلا بلد السادة … أهل النجدة والحـارات

عملت أنا كول من البال تولك … ومع الأسياد عملت الشات

سقيت الوصفة للجيلاني من أيدي .. وطار الشر معاهو وفات

*****

قلت :

عارفك من زمان عسولة … لو ما البخرة ما كان غبتي عني دقيقه

وما كان طاوعك قلبك على الهجران .. بعد ما أصبحت اغلى صديقه

الله يسامحو عم جيلاني .. المشاتر ديمة في فعلو .. وطبايعو شليقه

شربت المقلب أ الجيلاني … وداع عسولة ولّع فيك تاني حريقة

 

****

ورن المنبه من الهاتف الجوال ليلعن صباح يوم عمل جديد ، فنهضت من السرير بتكاسل وبدأت أفكّر في أن نناشد عم جيلاني بأن يحاول يقدم هذه البخرات الملعونة كعلاج لوباء السارس في كندا ويجعل من هذا الفيروس الفتّاك فيروس أليف رقيق يتعايش بكل الحب مع الإنسان .

ودمتم

 

مساحة البطانة البولتوكية تغطي خارطة العالم. من عسوله في نيوزيلاند مع سواح في السعودية مع الزبير باشا في قطر والمسافة في الفاشر وبشار في الدمام والجيلاني في كندا ووو ويا لها من روعة في الخيال والواقع. ولعل رحلة عسولة حول العالم قد برهنت صدق الصداقة والمودة بيننا اهل هذه البورد. رحلتها التي ترصدها الحسوبات ويرصدها همباته من نوع جديد وهم كثر وقديم وهم قلة. ودفاعا عن الهمباته القدام مثل بشار وملامح وغيرهم، اجدني اواجه القوى الحديثة سواح الزبير ووروك كيللر حمله الدمار الشامل بسيفي النووي. المزيد احبتي من الابداع الذي يسر غربتنا والمرح الذي ابهج وحدتنا. عسوله العظيمة الخالية من العقد والتعقيد تفرد لنا المساحة علي ارض البطانة العالمية لنكتب فيها ولها في حدود اللياقة والادب السوداني اللماح. الي المريدين لشعر الهمباته ان يظلوا معنا في خيال البطانة. الي من لا يعرفنا او مريد جديد ، الموضوع ضحك وشمار اخوي بريئ

تعالوا مع الجيلاني وسواح في مسدار سفر عسوله :

 

قال سواح:-

 

سفرك يالعسل كان لي أقوى مصيبه

شلتي معاك راحة البال .. عيني ما فارقت تسهيده

سائل الله الكريم يجمعنا بيك يالطِيبـــة

كتر الشوق علي … ورويحتي طال تشريده

*******

ورد عليه الجيلاني:-

سفر عسوله والجيلاني قصه اكيده

سفر قلبين بدت بينون حكايه جديده

لو ربي الكريم انعم على بي ريده

يا سواح حدق عينك يزيد تسهيده؟

***

سواح:-

العشم القيبل .. فيك يالعسل ما قله

منايا الكان .. بداية الرحلة تبقى بعمرة في بيت الله

لكن شن نقول … الحســاد حمونا اللمه

شكيتو أنا لله ده الجيلاني … خاتي البخرة فوق للعِمه

*****

جيلاني:-

عشمك كان قليل الليله يبقى اقله

بعد شهر العسل ناويين نزور بيت الله

إن سمح الوكت امكن نطلك طله

تشوف عسوله والجيلاني زينة الحله

**

سواح:-

جيلاني العجوز خلي الحبيب لحبيبو

شن لم العُشر .. على ورد فائح طيبو

الزول كان كبر .. الحكمة تبقى حديثو

ماب يبرى الصغار … يبقى مكانو بينات جيلو

**

جيلاني:-

الهمباتي بي ايدينه او بي سيفه بلقا نصيبو

ما حسب السنين ….! عمر الزهور تضريبو

لو فات الاربعين ..!!زاد بي العمر تهذيبو

ما بنسا الكبار..!!. ومع الصغار بي حبيبو

**

سواح:-

ٍبشار الحكيم .. أنت الحكم .. جاييك زول متواضع

شيخ الهمبتة الجيلاني .. بيني وبينو حكمك خاضع

أنا سواح الوجيه بشبابو .. زي الزهرة فارع يانع

ليه جيلاني ينشابا … وبينو وبينو العسل فارق شاسع

***

جيلاني:-

حكم بشار علي..!! مرق القبيله المانع

جلجل ما بقيف لو ختوا ليا موانع

يا سواح خلاس..!! الدنيا لما تمانع

احسن ليك تفوت عسوله ساكت وقانع

**

سواح:-

الهدد زمان ساب الرسن فوق ناقتو

بى سببك الجيلاني .. مسخت عيشتو .. قلّت فاقتو

يلعن في زمانو الفات … وكاتم في الضلوع آهاتو

شارد في البراري يغني .. عسولة ترثي أبياتو

**

جيلاني:-

الهدهد ما جرى..!!! ما خلا يوم ناقاتو

بي رسن السلوك كهربجي قضى حياتو

بنات البال بتشهد ليه..!!! بي نفحاتو

يوم فاجأنا بي عسوله..!! في حجراتو

**

سواح:-

بشار ما منو خوف ، عارفين حقييتو وفصلو

البال رجال ونساء .. شاكرين جمايلو وفضلو

ما الزول الشليق … الشيب مزينو شكلـــو

ما بهافت للعرس .. عارف الصوت بطيّر عقلو

***

جيلاني:-

صوت عسوله ووب .. جيلاني بعرف اصلو

ويا سواح تمعن….. في الامور الحصلو

سمعت بي جيلاني او عسوله يوم انفصلو؟

معاك بشار شهود يوم السيوف اتصلو

**

سواح:-

دقوسة الجميل … في الزي ده يالجيلاني مابي يشارك

وحالف باليمين لو العسل لى غيري .. فيها معارك

بيناتنا وعد يوم الزفة بي دلوكتو جاي مبارك

أبشري بالعديل عسولة – في الهمباتة ولّعي نارك

**

جيلاني:-

نار عسوله لي برايا يا همباته مافي مشارك

ويا سواح خلاس لو بينا سيف ومعارك

شد جملك تعال ما تبقى خايف وبارك

دا كرومه مع دقس.. جابو البنات.. بتبارك

**

عسوله يا بت الملوك بت البحلو الشابك

شعرك ديس طوال ُرشٌرش عيونك شابك

بٍت اهله العوض..!! باغة عسل يا دابك

جيلاني يتسحربك ويفطر بيك و يتعشابك

**

ما أروعك يا جيلاني

 

والله ما أروعك يا جيلاني يا جميل

لك التحية الخالصة على هذا الكلام العملاق والكبير ،، ونحن رغم قصر قامتنا أمامك يا شيخ الهمباتة إلا أننا نستطيع أن نتعابط عباطة الأطفال لا تعرف تضربو ولا تعرف تسيبو – يعني تديني بنيه أو ضربة صوت وأنا أجري من يعيد وأجدّع بالحجارة كأقل تعبير

 

نحن يا جيلاني ناس بال ،، ولو سمح الوقت للحكومة أن تدخل على هذا البال أو تقرأ النافذة كان لقيت نفسي منفي – ويا ريت المنفى ده يكون إلى نيوزيلاندا على الأقل نشوف عسولة

 

مزيداً من الإبداع

ولنا عودة

 

افتراضي قصة عسوله بين سواح وبوكو والجيلاني

نقلا من البورد الفديم وبمساعدة سنارك

 

hursday, April 2, 2009

سواح ** 1 *** رد على شيخ الهمباتة جيلاني في عسولة

رد على شيخ الهمباتة جيلاني في عسولة

 

رد على شيخ الهمباتة جيلاني في عسولة

 

الأحباب الكرام، الهمباتة جملة وقطاعي، رجال و نساء ، شباب وشابات – أطل علينا العم (جيلاني) بقصيدة مجادعة بينه وبين بت الملوك (عسولة) يدعي فيها بأن عسولة قد قبلت الزواج منه – وبما أن عسولة حتى الآن لم تثبت أو تنفي صحة هذه الإفتراءات فكان لابد لنا أن ندافع عن حقوقنا المهضومة والمجني عليها من قبل من كنا نحسبه شيخ الهمباتة ودليل القبيلة وفارسها الدرغام (عمو جلجل) – (فاكر نفسو لسه صغير) :p و أنتو يا جماعة عارفني أن في عسولة دي خفيف وزن الريشة والواضح ما فاضح وكمان أنا لسة في عمر الزهور – يعني ممكن تقولو أنا وعسولة من جيل واحد – تعالوا معي :

 

سفرك يالعسل كان لي أقوى مصيبه

شلتي معاك راحة البال .. عيني ما فارقت تسهيده

سائل الله الكريم يجمعنا بيك يالطِيبـــة

كتر الشوق علي … ورويحتي طال تشريده

*******

العشم القيبل .. فيك يالعسل ما قله

منايا الكان .. بداية الرحلة تبقى بعمرة في بيت الله

لكن شن نقول … الحســاد حمونا اللمه

شكيتو أنا لله ده الجيلاني … خاتي البخرة فوق للعِمه

*****

جيلاني العجوز خلي الحبيب لحبيبو

شن لم العُشر .. على ورد فائح طيبو

الزول كان كبر .. الحكمة تبقى حديثو

ماب يبرى الصغار … يبقى مكانو بينات جيلو

****

ٍبشار الحكيم .. أنت الحكم .. جاييك زول متواضع

شيخ الهمبتة الجيلاني .. بيني وبينو حكمك خاضع

أنا سواح الوجيه بشبابو .. زي الزهرة فارع يانع

ليه جيلاني ينشابا … وبينو وبينو العسل فارق شاسع

*******

الهدد زمان ساب الرسن فوق ناقتو

بى سببك الجيلاني .. مسخت عيشتو .. قلّت فاقتو

يلعن في زمانو الفات … وكاتم في الضلوع آهاتو

شارد في البراري يغني .. عسولة ترثي أبياتو

*****

بشار ما منو خوف ، عارفين حقييتو وفصلو

البال رجال ونساء .. شاكرين جمايلو وفضلو

ما الزول الشليق … الشيب مزينو شكلـــو

ما بهافت للعرس .. عارف الصوت بطيّر عقلو

 

********

دقوسة الجميل … في الزي ده يالجيلاني مابي يشارك

وحالف باليمين لو العسل لى غيري .. فيها معارك

بيناتنا وعد يوم الزفة بي دلوكتو جاي مبارك

أبشري بالعديل عسولة – في الهمباتة ولّعي نارك

 

ما اروعك يا سواح

لكن انتظر يا سواح الايام بيناتنا

 

سيف جيلاني يا سواح سنين ومعتق

ومرحبتن سلام بالشر محل ما بتق

اظن عسوله لي جروح القلوب بتفتق

وتنقدا الرهيفه انشا الله ما تتلتق

عسولتي

——————————————————————————–

 

والله ما أروعك إنت يا عم جيلاني

لذلك كنت وستزال شيخ الهمباتة وفراسهم الجلجال يا عمو جلجل

لكن في عسولة دي أسمح لي بأن أتعدى برتكولات الشياخة وادب الكلام قدام الكبار

***********

عم جيلاني كف الشينة… لا تسوّد معاي النيه

نحن سلالة الفرسان .. ماني الولادة النيه

كان بتق حدانا الشر .. يميناً ما ب نخافلو أذيه

أخير تختاها لي عسولة .. شوف لك بلاها بنيه

بت الملوك بفديها بروحي. وكان لزم الأمر راسي ليها هديه

 

والله إبداع منقطع النظير يا سواح وعم جيلانى وربنا يديكم العافية يا رب لكن صراحة كدا كترتوها الشغلة دى ونحن ساكتين نعاين ليكم قلنا يمكن الناس دى تهدا شوية لكن لا حياة لمن تنادى انتوا ما عارفين انا بطعن عديل فى عسولتى دى ههههههه عشان كدا يا سواح اخير ابعد بعيييييييد وشوف ليك بنيتن تانية وانا عارف عم جيلانى ما منو خوف بس زولا بحب الشعر والجمال ساكت هههه

 

والله مرة اخرى لكم الود والتقدير احبتى

 

بوكو

بوكو الجميل كيفك إنت وأخبارك شنو

ليك مدة ما بنت وأنا في إنتظار لشوفتك

 

لكن يا بوكو الطعن ده خليهو جانبي لأنو غالباً بيكون بسكين أو مطوة

يا جيب سيفك وتعال معانا الحلبة يا خليك حضاري شوية وسيبك من الأفهام البالية دي – خلينا نتناقش في الأمر من جانب ديمقراطي وحضاري

 

يا زول عمك جيلاني ده منو مخافا – جي ما حالة الزعماء دائما والشيوخ والعمد دائماً تعدديين ويحبو العرس ما بيعاينو للفارق

 

لك تحياتي بوكو ويا ريت تظهر ونشوفك

 

عسولتي

 

إمبارح في المنام طيف عسولة جاء وزاورني

شفتها بين حقول خضراء .. تهامس عمنا الجيلاني

قمت من السرير مفزوع .. قرّب ينفتق مصراني

أستغفرت ربي ونمت تاني .. قلت أكيد حلم شيطاني

 

 

 

يا سواح سلامتك من حلمك الشيطاني

البارح في المطار همس العسل اشجاني

والحقل الفي الحلم ضمانا بضع ثواني

وداع عسوله يا سواح وداع سوداني

عقب من كندا تعرف بي لقانا التاني

 

****

البارح دخل جلجل علي كندا النسيما عليل

وودع في الحلم قصبة مدالق السيل

لو طاوعني الرسن او كان قعادي طويل

ما سبتا العسل وضحكنا نص الليل

يا سواح شكيتك لي جبل توتيل

شكيتك لي سنارك للمسافه عديل

لي اخبار الشمار عسوله كالت كيل

والله لا بخلت ولا جادت علي بالحيل

 

 

 

 

Published by

abdalla asad

Foundry expert at United Nations Development Programme Studied Foundry Engineering at technical universit of warsaw Studied Engineering at Sudan University of Science and Technology Went to Khortaqqat secondry school Lives in Canada

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s