الصولجان

d0baf9319d078bb2c66fad81a7b65383
الصولجان

ضنين الصولجان
فوق الوعود مكار
بخيل وكريم وما مضمون بيعرف ينسج الأعذار
وموعد منه ما تاخده بيخلف فيه ذي ما دار
مجرد صدفه شفته هناك
قريت في صدره استنفار
وكان الصولجان ماشي وكان يختار
وكانت صدفه ساعة شفته نص الليل بدون انوار
موسيقة جاز مولعه نار مزيج الطبله والجيتار
وحوريتين وجوز اشرار
انا وعمار
شراب انخاب بدون تعداد ومية نار
وملية كاس وجلسة بار
بخور الند وزيت العود وريحة صندل العبار
وخلقة الله في اردافه بي مقدار
جمال فينوس قوام تاجوج وحفلة زار
اذا ختاك وكتر لحظه فوق النار!!!!
تشوف جناته جادت ليك
تشوف من خمره كم انهار
وتسبح فيه عكس الموج وتشرب منه بالعبار
اذا ما جيته بي تحنان وعايز تعرف المقدار
بتلقى خرافة الاوصاف وتلقي مناهل الاشعار
وتلقي قطوفه دانت ليك وبين ايديك جنه ونار
وفوق درب السراط بتقيف .. عليك تكمل المشوار
اذا ختيته جنب ياقوت وكل كريم من الاحجار
وشلته عيونه في عيونك بتعرف الله كيف اختار
اديم الصولجان من نور .. وباقي البشر فخار
خلق في بسيمته عقد الدر وخته متاحف الآثار
اذا طاوعته بفتك بيك ويشعل فيك لهيب النار
يفوق ولاده في التاريخ مع العباسه والثوار
بشوش البسمه يضحك ليك وينسج من كلامه هظار
عيونه النور ولون ممزوج بديع الطيف وليل ونهار
وشامة خده فوق النونو تغمز ليك
وتهمس ليك بالاسرار
بتكشف ليك مجاهل الكون وكوكب في البعد سيار
ورمانتين تحدي جسور ومتكاملات ولسا صغار
علي صديره المفرهد بي شبابه نضار
خريف في عمره كان براق
وجاب في القعده غيم امطار
بديع الصوت اذا اتكلم نغم الحانه دون اوتار
ربيع الصولجان جاد لي
زرع في حقلي حوض ازهار
وياما كنته بتشهد ويا ما قلته يا ستار
رهيب الصولجان واقف قوام وشباب مسخن وفار
رهيب لوشفته كان جالس
مقسم نصه ضامر جوف بدون اصرار
قوام الصولجان جبار
شعاع من لحظه ذي براق وحزمة نار
وبين شفتيه شفته سنونه بالرقراق اصابني شرار
وقادر الله في خلقه
جماله غلبني في المسدار
وجاريت في البديع سواح وناديت في الشعر بشار
فراق الصولجان والله حار بلحيل فراقا اصله ما بندار
ويوم الفرقه قاسي علي وكيف ننساه يا عمار!!!؟؟

 

Published by

abdalla asad

Foundry expert at United Nations Development Programme Studied Foundry Engineering at technical universit of warsaw Studied Engineering at Sudan University of Science and Technology Went to Khortaqqat secondry school Lives in Canada

One thought on “الصولجان

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s